Alla Itolae Nusa 5
Meije Adame eni anubuaru. Kena Alla Itolae tamatare, Ionoi lupe Alla ruaI.
Alla Iono mokwai kai bina. Alla Iriluke misete etesi kai kena Ionosi, Iono esi nane “Tamata”.
Eleki kena Adame eni musuna utune esa butu telu, ruele eni nanae mokai sae, selui lupeije, eleki ono eni nane Seta.
Kena ruele Seta pelare, Adame irue musuna utana kwalu lekwe kai ruele kwete mokwai kai bina makete etei lekwe.
Hoko Adame irue musuna utuna sikwa butu telu eleki imata ne.
Eleki kena Seta eni musuna utune esa lesini lima, ruele eni nanae mokwai sae eni nane Enose.
Kena ruele Enose pelare, Seta irue musuna utana kwalu lesini itu kai ruele kwete mokwai kai bina etei lekwe.
Hoko Seta irue musuna utuna sikwa butu esa lesini lua eleki imata ne.
Eleki kena Enose eni musuna butu sikwa, ruele eni nanae mokwai sae eni nane Kenane.
Kena ruele Kenane pelare, Enose irue musuna utana kwalu butu esa lesini lima lekwe kai ruele kwete mokwai kai bina etei lekwe.
Hoko Enose irue musuna utuna sikwa lesini lima eleki imata ne.
Eleki kena Kenane eni musuna butu itu, ruele eni nanae mokwai sae eni nane Mahalalele.
Kena ruele Mahalalele pelare, Kenane irue musuna utana kwalu butu ata kai ruele kwete mokwai kai bina etei lekwe.
Hoko Kenane irue musuna utuna sikwa butu esa eleki imata ne.
Eleki kena Mahalalele eni musuna butu ne lesini limare, ruele eni nanae mokwai sae eni nane Yarete.
Kena ruele Yarete pelare, Mahalalele irue musuna utana kwalu butu telu lekwe kai isupu kwete mokwai kai bina lekwe.
Hoko Mahalalele irue musuna utuna kwalu butu sikwa lesini lima eleki imata ne.
Eleki kena Yarete eni musuna utune esa butu ne lesini luare, ruele eni nanae mokwai sae eni nane Henoke.
Kena supu Henoke pelare, Yarete irue musuna utana kwalu lekwe kai ruele kwete mokwai kai bina makete etei ekwe.
Hoko Yerete irue musuna utuna sikwa butu ne lesini lua eleki imata ne.
Eleki kena Henoke eni musuna butune lesini lima, ruele eni nanae mokwai sae eni nane Metusala.
Kena ruele Metusala pelare, Henoke irue mise kai Alla musuna utana telu lekwe kai ruele kwete mokwaia kai bina etei lekwe, kai kena mere Henoke ihlaleke loko Alla ktili titinai.
Hoko Henoke irue musuna utuna telu butu ne lesini lima.
Henoke irue mise kai Alla hoko sae irekwai moneka le Alla Iranai.
Eleki kena Metusala eni musuna utune esa butu kwalu lesini iture, ruele eni nanae mokwai sae eni nane Lameke.
Kena ruele Lameke pelare, Metusala irue musuna utuna itu butu kwalu lesini lua lekwe kai ruele kwete mokwaia kai bina etei lekwe.
Hoko Metusala irue musuna utuna sikwa butu ne lesini sikwa eleki imata ne.
Eleki kena Lameke eni musuna utune esa butu kwalu lesini lua, ruele eni nanae mokwai sae,
iono eni nane Nu le ibeteke be, “Kwetele meije iono ite lalemaru ndina kena ite kerike ndinu mei tapele rebe TUHANE Ikutukele.”
Kena ruele Nu pelare, Lameke irue musuna utuna lima butu sikwa lesini lima lekwe kai ruele kwete mokwaia kai bina makete etei lekwe.
Hoko Lameke irue musuna utuna itu butu itu lesini itu eleki imata ne.
Eleki kena Nu eni musuna utuna lima, ruele eni nanae mokwaia si telua, Seme, Yapeta kai Hame.